Plantun de Prouvènço

Pèr coumpara dos planto d'encò nostre

Cuscuta approximata & Euphrasia salisburgensis

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Pinau(-de-Salzbourg)

Euphrasia salisburgensis

Orobanchaceae Scrophulariaceae

Autre noum : Erbo-de-sant-Clar.

Nom en français : Euphraise de Salzbourg.

Descripcioun :
Aquest pinau trachis dins li relarg roucaious de mountagno ounte, pamens, pòu mounta proun aut. Si fueio e si bratèio soun mai estrecho qu'encò lis àutri éufràsio, emé de dènt prefoundo e pounchudo (fotò). A pas ges de péu glandulous. Pèr pas s'engana lou miés èi de regarda lou boursoun qu'a quàsi ges de péu (o quàuquis un proche la suturo).

Usanço :
Counèissen pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 25 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Euphrasia
Famiho : Orobanchaceae
Famiho classico : Scrophulariaceae

Ordre : Lamiales

Coulour de la flour : Blanco Jauno
Petalo : irreguliero
Ø (o loungour) flour : 5 à 8 mm
Flourido : Estiéu - Autouno

Sòu : Ca
Autour basso e auto : 200 à 2800 m
Aparado : Noun
Juliet à óutobre

Liò : Tepiero seco - Prado - Roucaio
Estànci : Subremediterran à Aupen
Couroulougi : Ouroufito-Sud-Éuropenco
Ref. sc. : Euphrasia salisburgensis Funck, 1794

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Euphrasia salisburgensis

ges

Coumpara Péu-de-lin(-di-sepalo-lusènto) emé uno autro planto

Coumpara Pinau(-de-Salzbourg) emé uno autro planto